නර්මදාගේ නළලට අත තබා මිගාර බැලුවේ තවමත් ඇයට උණ තිබේද කියාය. වයසට තරම් නොවන තරම් දුක්වේදනා උසුලාගන ජීවිතයට මුහුණ දෙන නර්මදා ගැන අනුකම්පාවක් මිගාරගෙ සිත තුළ ඇතිවිය. නිවසට තමන් ගැන දැන්වීමට යාමට සිතා සිටිය ද එය ද අතපසු කරන්නට සිදුවූයේ නර්මදාට ඇති වූ කරදර නිසාය. තමා නර්මදාට සැරවැර වූවා වැඩි යැයි මිගාරට සිතුණේය. පිරිමි කෙනකු නොමැතිව පොලිසියට යාමට තරම්මු රණ්ඩු වීම නිසා නර්මදාට සැරවැර කළ ද නර්මදා කියන දේද ඇත්තක් ඇතැයි මිගාරට පසුව සිතුණේය. තමා ගොස් නර්මදා වෙනුවෙන් පෙනී සිටියා නම් මාධ්‍යවේදිනිය වෙනුවෙන් ඇමති පුතකු පොලීසි ආවා යැයි නැති දේ මවා එය පුවත්පත්වල පළවනු ඇතැයි නර්මදා පැවසුවාය. කිසිම දිනයක පියාගේ බලතල කිසිම අවස්ථාවක පාවිච්චි නොකර මිගාරට, පියාගේ අවසන් කාලයේ එවන් අවමානයක් ඔහුට අත් කර නොදෙන්න යැයි නර්මදා පැවසුවාය. තමාට වඩා දුරදිග හිත්නට තරම් නුවණක් ඇයට තිබීම ගැන මිගාරට ආඩම්බර සිතුණේය. නර්මදා පොලිසි යාමත් එක අතකින් හොඳ යැයි මිගාරට සිතුණේ දේවක ගැන සුළු හෝ ආදරයක් නර්මදාගේ සිත තුළ තිබුණා නම් එය ද නර්මදාගේ සිතින් ඉවත්ව යන්නට එය හේතුවක් වන නිසාය. මිගාර සෙමින් නර්මදාගේ හිස අතගාන්නට වූයේය.
Age Group : 13 -99 Years
Model : Novels
No. of Pages : 176
ISBN No: 978-955-33-1112-2
Author : Darshana Shammi
Language : Sinhala
Reviews
There are no reviews yet.